Bidaat kisey kehtein hain?

Biddat Kisey Kehtein Hai? 

Mazhabe Islam Me Koi Naya (New) Tarika Ad Karna Bid’at Hai
Bid’at Ki Tarife 2 Hai

1. Bid’at e Hasana (Jaiz, Mustahab Bulke Baaz Martaba Wajib) Wo Bid’at He Jo Kisi Sunnat Ke Mukhalif Na Ho.
   Jese Ba Jama’at Tarawih
2. Bid’at e Sayyi’a (Mazmuma w Qabeeha) Wo Bid’at He Jo Sunnat Ke Mukhalif Ho. Ye Makrooh o Haraam He

Bid’at Kabhi Wajib Bhi Hoti He

Mulla Ali Qari Bid’at Ki Iqsaam Bayan Farmatey Hue Likhte Hen:

Bid’at e Wajiba :
Jese Eilm e Nehw Aur Qur’an Samajne Ke Liye Usool e Fiqh Ka Jama Karna

Isi Tarah Bid’at e Haram, Mustahabba, Makroh, Mubaha, Ye Sab Bi Bid’at Ki Iqsaam Hen
Wo Kaam Jise Ulama Aur Aarifin Ejaad Karen, Sunnat Ke Khilaf Na Ho To Acha Kaam He (Roohul Bayan)

Jo Amal Logo Me Mash’hur Hojaye Aur Shariat Ke Mutabiq Ho Uski Itteba Zaruri He (Badiyul Sanaya By Imaam Kaasani)

Jo Kaam Shariat Ke Mukhalif Na Ho Wo Bid’at e Hasana He (Umdatul Qari By Allama Badruddin Aini)

Agar Ye Kaha Jaye Ke Bid’at e Hasana Koi Chiz Nhe To Ye Baat Hadis Ke Khilaf He (Allama Shaami)

“Hazrate Umar رضي الله عنه Taraveeh Ko Jama’at Ke Saath Padhne Ka Hukm Diya Aur Hazrate Ubayi Bin Ka’ab رضي الله عنه Ko Imaam Banaaya Aur Farmaaya “Yeh Kitni Achchi Bidat Hai”

Hazrat Abi bin Ka, ab رضي الله عنه Riwayat Kartay hain kay Hazrat Umar رضي الله عنه Nay Uneeh Hukam Diya Kay Ramzan Mein Raat Ko Namaz Padhayen Farmaya Kay Log Din Ko Roza Rakhtay hain Raat Ko Achi tarah Say Qirat Nahi Kar Saktay Lihaza Tum Namaz padhawo Hazrat Abi bin ka’ab رضي الله عنه Nay kaha Is Cheez ka Tu Pehle Wajod Nahi Tha (Naya Kaam ‘biddat Hai} Hazrat Umar رضي الله عنه Nay farmaya Ji Haan Main janta Hun Lekin Ye Bahut Acha Tareeqa Hai (Biddat Hasna yani Achi Biddat Hai} Chunanchay Hazrat Abi رضي الله عنه Nay Logo Ko (20) Rakat Padhaye

{Kanzul Ummal Vol 8 Page 409}

Biddat-E-Hasana Ki Kai Aisi Misaal Hai Jo Aaj Bhi Payi Jati Hai. Jinka Inkar Koi Firqa Nahi Kar Sakta Par Haqiqat To Ye Hai Ke Wo Biddat- E-Hasana Hai

1. Quran Par Harkaat Yani Zer, Zabar, Pesh Ka Hona Biddat-E-Hasana Hai.
2. Quran-E-Kareem Ka Aaj Kitab Ki Shakl Me Hona Biddat-E-Hasana Hai. Kyunki Huzoor Sallallahu Alaihi Wasallam Ke Zamana-E- Mubarak Me Quran Ko Jama Na Kiya Gaya Tha.
3. Taraweeh Ki Namaz Jama’at Ke Sath Padhna Biddat-E-Hasana Hai. Huzoor Nabi-E-Akram Sallallahu Alaihi Wasallam Ke Zamana-E- Mubarak Me Ye Namaz Alayda Padhi Jati Thi. Jama’at Ke Sath Taraveeh Padhna Sunnate Umar Farooq Radiallahu Anhu Hai.
4. Aaj Ke Is Technology Ke Daur Me Social Media Ka Istemal Deen Ki Tableeg Ke Liye Karna Bhi Biddat-E-Hasana Hai. Ye Sab Mante Hai Ke Isme Koi Burai Nahi Hai Aur Awaam Tak ilm Pohochane Ka Sabse Aasan Zariya Hai.
5. Har Musalman 6 Kalimah Yaad Karta Hain Ye 6 Kalime, Unki Tadad, Unki Tarteeb Ki Ye Pahla Kalima Hain Ya Dusra Aur Unke Ye Naam Hain Sab Biddat E Hasana Hain
6. Namaz Mein Zaban Se Niyat Karna Biddat E Hasana Hain Jiska Saboot Qurun E Salasa Mein Nahi
7. Zakaat Mein Maujooda Sikka Raizul Waqt Ada Karna Biddat E Hasana Hain
8. Masjid Ki Mehraben, Gumbad, Minaar, Mike Pe Azaan Aur Namaz, Masjid Mein Fans Aur Lights, Imam Moazzin Ki Salary Sab Biddat E Hasana Hain

Imam Shafai رحمتہ اللہ علیہ ne farmaya :

Bid’at(Nayi Ejad) do qism ki hoti hai, pehli wo jo Quran, Sunnat, aur Ijma (e Ummat) ke khilaf ho, aisi Bidat gumrahi hai

Dusri wo achhi Ejaad, jo Quran, Sunnat aur Ijma ke khilaf na ho, aisi Bid’at buri nahi

Ref: Baihaqi – Manaqib Shafai 1/469 Nawawi – Tahzib Asma 2/23 Suyuti – Haqiqat us Sunnah 1/92 Zahabi-Tarikh Islam 14/339 Ibn Taymiyyah – Kitab ul Tanbih 2/562 Ibn Qayyim-aelam ul Moqaeen 5/551

RASUL ALLAH ﷺ NE FARMAYA:

JISNE ISLAM ME KOI ACHHA TARIQA IJAD KIYA AUR USKE BAD US PAR AMAL KIYA GAYA TO US SHAKHS KE LIYE USPAR AMAL KARNE WALO KE BARABAR SAWAB LIKHA JAYEGA

AUR NA UN AMAL KARNE WALO KE AJR ME KOI KAMI KI JAYEGI AUR JISNE ISLAM ME KOI BURA TARIQA IJAD KIYA AUR USKE BAD USPAR AMAL KIYA GAYA TO US SHAKHS KE LIYE USPAR AMAL KARNE WALO KE BARABAR BOJH LIKHA JAYEGA AUR NA UN AMAL KARNE WALO KE BOJH ME KOI KAMI KI JAYEGI

REF: SAHIH MUSLIM KITAB UL ILM > HADITH 1017

Hazrat Imam Jurjani Mutawaffa 816 Hijri Bid’at Ka Ma’ana Bayan karte huwe Likhte hai :

‘Bid’at Sirf Wo Amal hai Jo Sunnat ke Mukhalif ho Aur isko Bid’at isliye kehte hain ke iska Qael (Bid’at Karne Wala) Imam ke Qawl ke Beghair iski ikhtera’a(Ejaad) Karta hai “

.Ref: Atta’rifaat, Page no.40.

Imam Jurjani رحمتہ اللہ علیہ ki is Tareef se pata Chala ke Jo log har Naye Kaam ko Khwa wo Mustahab aur Accha Amal hi kyun naa ho Mahez Naya hone ki wajah se Bid’at o Gumrahi keh dete hai Wo Jaahil hai isliye ke Istelah me Bid’at Sirf Wohi Kaam hai Jo Sunnat ke Khilaaf ho ! Agar Sunnat ke Khilaaf nahi to Naya hone ke Bawajood bhi Mustahab Ya Mubah hota hai.

Hazrat Imam Ismail Haqqi Mutawaffa 1138 Hijri Bid’at Ka Ma’ana Bayan karte huwe Likhte hai :

Bid’at us Kaam ko Kaha jaata hai Jo Nabi ﷺ ki Sunnat ke Khilaaf Ghada Jaaye Aur Wo Amal Jo Sahaba o Taba’een Ke Tariqe ke Khilaaf bhi ho “

Yaani Wo Naya Amal Jo Sunnat e Nabwi ﷺ Aur Sahaba o Taba’een Ke Tariqe ke Khilaaf naa ho to wo Bid’at nahi balke Mustahab Ya Mubah hoga Agarche uski Ejaad Sahaba ke Zaahiri Zamane ke baad huwi ho Jaise Madarsa Banana,Deen Padhne ke liye Darsi Kitabein Sarf Nahw Padhna, 3 Din Ya 40 Din Muqarrar Kar ke Tableegh par Jaana,Mehfil e Milad Karna,ljtemai Mehfil e Durood, Nazr o Niyaz Aur Urs Manana Ye Sab Agarche Naye Kaam hai Magar Bid’at e Zalala Nahi Kyun ke Isme Sunnat ki Mukhalifat bhi nahi !

Wahabi Ghairmuqallido ke Imam Allama ibne Hazam Bid’at Ka Ma’ana Aur iski Qismein Bayan karte huwe Likhte hain :

Deen me har wo Cheez Bid’at hai Jiski Buniyad Kitaab o Sunnat par naa ho Magar Naye Kaam ki Buniyad Khair par ho to Uske Karne wale ko iraada e Khair(Acchi Niyyat) Ka Sawab milega Aur Wo Bid’at e Hasana(Acchi Bid’at) hai Aur Ye Aisi Bid’at hai Jiski Asal ibaahat(Jayez hona) hai.

Ref: Al Ahkam Fee Usool, Vol 3,Pg no.47.

Bid’ati wo hai jo Ahle Sunnat Wal Jamaat ke Aqeedo ke khilaf dusra koi Aqeedah rakhta ho

• Imam Ibrahim Halabi (956 Hijri)

Ref: Ghuniyat ul Mustamli page 514

KIYA JO KAAM NABI AUR SAHABA NE NAHI KIYA WO KAAM NAJAIZ HAI ?

Hazrat Imam Ibne Hajar Asqalani رحمتہ اللہ علیہ Likhte Hai :

KISI KAAM KE JAIZ HONE KE LIYE ITNA HI KAFI HAI KI Wo Kaam Jaiz Hai Bhale Hi Wo Kaam Nabi Kareem ﷺ Aur SAHABA NE NA KIYA HO AUR KISI KAAM KE NAJAIZ HONE KI YE DALEEL NAHI HOTI KI WO Kaam Sahaba NE NAHI KIYA BALKE NAJAIZ Jab Hoga Jab Uski MumaniyaT SABIT HO

Ref: Fathul Bari fi Sharah Sahih al Bukhari Vol 10 Page 164

Apne wakt ke Mujaddid, Islam ke azeem Ulama se ek, Imam Ghazali رحمتہ اللہ علیہ farmate hai:

Ye kehna ki fala chiz bidat hai kyuki Sahabah ne nahi ki, to jaan lo ki zaruri nahi har Jayaz chiz Sahabah se sabit ho, buri to wo bidat hai jo kisi Sunnat ke khilaf ho

Ihya ul Uloom 2/374

HAZRAT JAREER BIN ABDULLAH رضي الله عنه SE RIWAYAT HAI KI HUZOOR ﷺ NE FARMAYA:

“Jis Ne Koi Achchha Tareeqa JAARI KIYA PHIR Us Par Amal KIYA GAYA TO USKE LIYE APNA SAWAB BHI HAI Aur Use Amal Karne WalON KE BARABAR SAWAB BHI Milega Jab KI UNKE SAWAAB ME KOI KAMI NA Hogi Aur Jis Ne KOI BURA TAREEKA Jaari Kiya. Phir WOH TAREEQA APNAYA GAYA To Uske Liye APNA GUNAH BHI HAI AUR LOGON KE GUNAAH KE BARABAR BHI JO US PAR AMAL PAIRA HUWE. Baghair Us KE KI UN KE GUNAHON ME KUCH KAMI HO.”

REF: JAMAI TIRMIZI VOL: 05, PG: 71, Kitabul ILM, BAAB: HADEES : 2675

Taraweeh Ki 20 Rakaat Ka Bayan

 

 

Sunni Hanfi Or Website Ka Maksad Islam Ki Sahih Tarjumani Quran Sunnat Izma Kayas Se Aqaid Aur Mamulaat E Ahle Sunnat Par Dalail Se Dena Hai

Taraweeh Ki 20 Rakaat Ka Bayan

سم الله الرحمن الرحيم

♥ السلام عليك يا رسول الله ♥ ♥ السلام عليك يا حبيب الله ♥

Ramzanul Mubarak Karib Aate Hi Daur e Haajir Ka Fitna E Azeem Wahabi Gair Mukallid ne Pichle chand saalo se Ek Fitna Choda hai ye barsaati mendak Seasonal hote hai har maah koi na koi kalabaji ka show inka shuru hi rhta hai jaise season ho waise aitraaz karte hai.

Ramzanul Mubarak aate hi ek fitna choda jaata hai wo TARAWEEH ki rakat ko leke fitna failaya jaata hai aur awaam ko shak o subahat me daala jaata hai k jo 20 RAKAT TARAWEEH padhi jaa rhi hai ye khilaf e Sunnat hai Biddat hai etc. Aur Social Network me Chahe Facebook watsapp ya other applications me fitna badi tezi se failaya jaata hai.

Is Topic ko Hum Kuch Posts me Mukammal karnge chunki ye article hai bahot zyada nhi likha jaa sakta bahot zyada tehkeeki hawale SCan pages etc sab Taraweeh k Topic Me Hamari Kitab me aayga par yaha itna likh denge In Sha ALLAH Taa’ala k Mukhalifeen ki bolti band hojaygi.

20 Raka’at Taraweeh Padhna Sunnat E Rasool Allah ﷺ Sunnat e Sahaba Sunnat Aamatul Muslimeen Hai

8 Rakaat Taraweeh Khilaf e Sunnat Hai aur jo Log ye Dawa karte hai 8 Rakat Taraweeh Hone Ki unke pass dalail k naam pe kuch nahi hai fakat akal k ghode hai baat darasl ye hai Ibadat inko bhoj lgti hai ye apni nafs k gulam hai har mahine kuch na kuch Shosha Chodte hai Taraweeh K 20 Raka'at Hone Ka saboot.
Hadees 01 :
“Hazrat Abdullah ibn Abbas Radiallahu Anhu farmate hai Nabi E Karim ﷺ Ramzan Me Witr K Elava 20 Rakaat Taraweeh Padte The”
References:
(Imam Ibn Abi Shaeba Al Musannaf Vol : 02, Pg : 163, Hadees : 7692)
(Imam Tabrani Al Ma’jmaul Ausaat , Vol : 01, Pg : 243, Hadees :798)
(Imam Tabrani Al Ma’jmaul Ausaat , Vol : 05, Pg : 342, Hadees : 5440)
(Imam Tabrani Al Ma’jmaul Kabeer , Vol : 11, Pg : 393, Hadees : 1210)
(Imam Bayhaqi Al Sunan Al Kubra, Vol : 02, Pg : 496, Hadees : 4391)
Is Hadees e Nabvi Se Pata chala k Khud Nabi E Karim ﷺ  Bees 20 Rakat Taraweeh Padhte The.

Hadees 02 :

و حدثني عن مالك عن يزيد بن رومان أنه قال

كان الناس يقومون في زمان عمر بن الخطاب في رمضان بثلاث وعشرين ركعة

Yahya ne Malik Radiallahu Anhu se mujhko khabar di unhone Yazeed bin Ruman رَضِیَ اللهُ عَنْهُ  se riwayat kiya ki wo farmate hain “Log Hazrat Umar Farooq رَضِیَ اللهُ عَنْهُ  ke zamane me 23 rakat ke liye qiyam karte the”
Reference :
(Muwatta Imam Malik, Kitabus Salat, Baab : Ma Ja-a Fi Qayam E Ramzan Volume : 1 Page : 159 Hadith number : 380)
Is se 02 Baat Maloom Huwi ek ye k Taraweeh 20 Rakaat Hai aur Witr 03 Rakaat Hai.

Hadees 03 : Hazrat Saeb Bin Yazeed رَضِیَ اللهُ عَنْهُ  say marwi hai unhone bayan kiya k  "Hazrat Umar Bin Khattabرَضِیَ اللهُ عَنْهُ k 'Ehad (door e Khilafat) main Sahaba E Kiram Radi ALLAH T'ala Anhuma Azmain maah-e-Ramzan main bees (20) rakat taraweeh parhty they aur un main soo (100) ayaat wali soortain parhty thy aur Hazrat Uthman رَضِیَ اللهُ عَنْهُ  k 'Ehad (Door e Khilafat) main shiddat e Qayam ki waja say wo apni laathiyun say tayk lagaty they." References : (Imam Bayhaqi As Sunan Al Kubra Vol : 02, Pg : 498/99, Hadees : 4617) (Ibn e Hasan Faryabi ,Kitab As Siym Vol : 01, Pg : 131, Hadees : 176 (Ibn e Ja'd Al Musnad Vol : 01, Pg : 413, Hadees : 2825)
Scan Page Of Imam Bayhaqi As Sunan Al Kubra

Imam Nawawi ne Iski Sanad Ko Siqah Karar Diya (Al Khulasa Al Ahkam pg : 576, Hadees No : 1961) Below Is Scan page

Imam Badrudin Ayni Rahmatullah Alaih Ne bhi Isko Sahih Qarar Diya Hai (Umdatul Qari Shara E Sahi Bukhari Vol : 05, Pg : 264, Print Darul Fikr Berut) Gair Mukallideen k Famous Scholor Mubarkpuri likhte hai Ye Hadees Sahi Hai (Mubarakpuri, Thofat ul Ahwazi, Vol: 03, Pg : 453) Is Hadith ko Imam Bayhaqi, Imam Faryabi aur Ibn e ja'd nain rawayat nain kiya. Aur Imam Faryabi nain farmaya k is hadith k Rijaal thiqah hain.

Hadees 04 :

حَدَّثَنَا وَكِيعٌ ، عَنْ حَسَنِ بْنِ صَالِحٍ ، عَنْ عَمْرِو بْنِ قَيْسٍ ، عَنِ أَبِي الْحَسْنَاءِ أَنَّ عَلِيًّا أَمَرَ رَجُلاً يُصَلِّي بِهِمْ فِي رَمَضَانَ عِشْرِينَ رَكْعَةً

Hazrat Abu Al Hasan رَضِیَ اللهُ عَنْهُ  bayan karty hain k
"Hazrat Ali رَضِیَ اللهُ عَنْهُ  nain ek shakhs ko ramzan main paanch (5) tarweehon main bees (20) rakat parhaany ka hukam diya."

Is Hadith ko Imam Ibn e Abi Shaibah aur Imam Bayhaqi nain rawayat kiya hay. Aur yeh Alfaaz Imam Bayhaqi k hain.
References : (Ibn e Abi Shaibah Al Musannaf, Chapter : Ramzan main (taraweh main) kitni rakatain jaen, Vol : 5, Pg : 163,Hadees : 7763) (Imaam Bayhaqi As Sunan Al Kubra, Vol : 2, Pg : 497, Hadess : 4397) (Ibn e Abul Barr , At Tamheed, Vol : 08, Pg : 115) (Mubarakpuri , Tuhfatul Ahwazi Sharah Jami' Tirmidhi Vol : 03, Pg : 445) (Ibn e Qudamah Al Mughana Vol : 01, Pg : 456)

Hadees 05 :

حَدَّثَنَا حُمَيْدُ بْنُ عَبْدِ الرَّحْمَنِ ، عَنْ حَسَنٍ ، عَنْ عَبْدِ الْعَزِيزِ بْنِ رُفَيْعٍ ، قَالَ كَانَ أُبَيّ بْنُ كَعْبٍ يُصَلِّي بِالنَّاسِ فِي رَمَضَانَ بِالْمَدِينَةِ عِشْرِينَ رَكْعَةً وَيُوتِرُ بِثَلاَثٍ.

Abdul Aziz bin Rafi رَضِیَ اللهُ عَنْهُ se marwi hai ki Ubay bin Ka’ab رَضِیَ اللهُ عَنْهُ logo Ramzan me Madina Munawwara me 20 rakat padhate the aur 3 witr.
Reference :
(Musannaf Ibn Abi Shaybah Volume 005. Page No. 224, Hadith Number 7766) Below Is Scan Page of Ibn Abi Shayba

Hadees 06:

أخبرنا أبو الحسن بن الفضل القطان ببغداد أنبأ محمد بن أحمد بن عيسى بن عبدك الرازي ثنا أبو عامر عمرو بن تميم ثنا أحمد بن عبد الله بن يونس ثنا حماد بن شعيب عن عطاء بن السائب عن أبي عبد الرحمن السلمي  عن على رضي الله عنه قال دعا القراء في رمضان فأمر منهم رجلا يصلي بالناس عشرين ركعة قال وكان علي رضي الله عنه يوتر بهم وروى ذلك من وجه آخر عن علي

Abdul rehman Sulami رَضِیَ اللهُ عَنْهُ farmate hain ki Hazrat Ali رَضِیَ اللهُ عَنْهُ ne Quran ke qari’een ko bulaya aur unme se ek ko 20 rakat padhane ka hukm diya. Jabki Hazrat Ali  رَضِیَ اللهُ عَنْهُanhu khud bhi 20 rakat padhte the.
Reference :
(Bayhaqi Sunan al-Kubra Vol 002, Pg . 699, Hadees : 4620) Hadees 07 :

عَنِ الْحَسَنِ أَنَّ عُمَرَ بْنَ الْخَطَّابِ جَمَعَ النَّاسَ عَلَى أُبَيِّ بْنِ كَعْبٍ فِي قِيَامِ رَمَضَانَ، فَكَانَ يُصَلِّي بِهِمْ عِشْرِينَ رَكْعَة

Hazrat Hasan Basri رَضِیَ اللهُ عَنْهُ  farmate hain ki Hazrat Umar farooq رَضِیَ اللهُ عَنْهُ  ne Ubay bin Ka’ab رَضِیَ اللهُ عَنْهُ ke piche logon ko Jama kiya aur 20 rakat padhi.
References :
Siyar al A'lam wa al Nubalah Volume 001, Page No. 400-1, Seerat Ubayy Ibn Kab

Imam al-Nawawi ne kaha: 'Iski sanad Sahih hai'. (بإسناد صحيح)
[Al-Khulasa al-Ahkam, Hadith Number 1961]

Hadees 08 :

حَدَّثَنَا وَكِيعٌ ، عَنْ نَافِعِ بْنِ عُمَرَ ، قَالَ كَانَ ابْنُ أَبِي مُلَيْكَةَ يُصَلِّي بِنَا فِي رَمَضَانَ عِشْرِينَ رَكْعَةً، وَيَقْرَأُ بِحَمْدِ الْمَلاَئِكَةِ فِي رَكْعَةٍ

Waki رَضِیَ اللهُ عَنْهُ se marwi hai unhone Naafe bin Umar رَضِیَ اللهُ عَنْهُ se riwayat kiya wo farmate hain ki Ibn Abi Mulaika رَضِیَ اللهُ عَنْهُ hume ramzan me 20 rakat padhate the.
Reference :
[Musannaf Ibn Abi Shaybah Vol 05, Pg : 223, Hadees : 7765]

Hadees 09:

حَدَّثَنَا أَبُو مُعَاوِيَةَ ، عَنْ حَجَّاجٍ ، عَنْ أَبِي إِسْحَاقَ ، عَنِ الْحَارِثِ أَنَّهُ كَانَ يَؤُمُّ النَّاسَ فِي رَمَضَانَ بِاللَّيْلِ بِعِشْرِينَ رَكْعَةً وَيُوتِرُ بِثَلاَثٍ وَيَقْنُتُ قَبْلَ الرُّكُوعِ Hazrat Haris رَضِیَ اللهُ عَنْهُ riwayat karte hain ki wo Ramzan me 20 rakat padhte the aur 3 rakat witr padhte the aur Ruku se pehle Qunut padhte the. Reference : [Musannaf Ibn Abi Shaybah Vol : 05, Pg : 224, Hadees : 7767]

Hadees 10 :
Imam Tirmizi رَضِیَ اللهُ عَنْهُ ka Nazariya :

وأَكْثَرُ أهْلِ العِلمِ على ما رُوِيَ عن عليٍّ وعُمر وغَيْرِهِمَا مِنْ أَصحابِ النبيِّ عِشْرِينَ رَكْعَةً. وَهُوَ قَوْلُ الثَّوْرِيِّ وابنِ المُبَارَكِ والشَّافِعيِّ رحمه الله. وقَالَ الشَّافِعيُّ: وهَكَذَا أدْرَكْتُ بِبَلَدِنَا بِمَكَّةَ، يُصَلُّونَ عِشْرِينَ رَكْعَةً

Ahle-Ilm ki ek Jamat 20 rakat padhne par muttafiq hai, jaisa ki ye Hazrat Usman رَضِیَ اللهُ عَنْهُ Hazrat Ali رَضِیَ اللهُ عَنْهُ  aur RasoolALLAH صلى الله عليه و آله وسلم ke dusre sahaba se marwi hai. Sufiyan Sawri, Abdullah ibn Mubarak aur Imam shafaii Rahimullah Azmain ne bhi yehi kaha hai. Imam Sahafaii رَضِیَ اللهُ عَنْهُ farmate hain ki Unhone Makka ke logon ko 20 rakat padhte hue dekha hai..